O Concello xa está en fase de licitación das obras de remodelación da Avenida de Madrid, un proxecto que permitirá a integración plena desta rúa na cidade. Conta un orzamento de case 17 millóns dos que 12 proceden do Goberno Central.
A tenente de alcalde e edil de Urbanismo e Vivenda, María José Caride, informou que o Concello actuará “de xeito inmediato e urxente” no edificio de Beiramar 127 onde un bombeiro perdeu a vida este sábado nun acto de servizo. O inmoble non tiña expedientes previos por incidencias ou problemas.
Abel Caballero avanzou que o Concello resolveu as primeiras 95 subvencións para a mellora da eficiencia enerxética de edificios de 14 zonas da cidade, un programa dotado de 6,4 millóns procedentes de fondos europeos. En Coia adxudicouse xa o importe total das axudas cunha media de subvención do 72%. No resto das zonas, abrirase ata novembro unha nova convocatoria en réxime de concorrencia non competitiva.
O Plan Especial de Protección do Ensanche para protexer o patrimonio arquitectónico e histórico da cidade velará pola rehabilitación de case 900 edificios do centro da cidade. O goberno local vén de adxudicar a redacción do proxecto por un orzamento de case 400.000 euros.
O alcalde deu conta da aprobación de xeito provisional do Plan Especial de Infraestruturas e dotacións que a Xerencia de Urbanismo dará luz verde o martes 14 de maio. A Biblioteca do Estado ten comprometido por parte do Goberno de España un orzamento de 22 millóns de euros.
Un estudo permitirá ao Concello de Vigo determinar se na cidade hai zonas con alugueiros moi caros, tal e como anunciou esta mañá o rexedor. As conclusións dese informe permitirán ao goberno local iniciar o procedemento para obrigar á Xunta de Galicia a buscar solucións dado que é a administración competente.
A Xerencia de Urbanismo aprobará mañá as bases das axudas para mellorar a accesibilidade en edificios residenciais. As comunidades ou grupos de propietarios poderán recibir achegas de ata 3.000 euros para instalar ascensores ou eliminar barreiras arquitectónicas.
O goberno local aprobará o martes que vén o Plan Especial de Infraestruturas e Dotacións da Biblioteca do Estado o que permitirá avanzar na construción desta dotación. En tres meses, o Concello estará en condicións de cederlle os terreos ao Ministerio de Cultura.
O alcalde mantivo unha xuntanza co secretario de Estado de Vivenda, David Lucas, na que propuxo ao Goberno de España colaborar na construción de vivenda de alugueiro taxado para a xuventude.
O alcalde achegouse esta mañá á parcela municipal de Esturáns na que se vai construír un edificio enerxeticamente eficiente distribuído en 27 novas vivendas que sairán ao mercado en réxime de alugueiro social. O Concello xa está redactando o proxecto e as vivendas estarán rematadas en xullo de 2026.