A concelleira de Política de Benestar, Isaura Abelairas, reclamou este xoves á Xunta de Galicia que "asuma as súas competencias" e dispoña vivendas sociais en Vigo para evitar os desafiuzamentos. O Concello, pola súa banda, outorgou no ano 2015 axudas a 142 familias para pago de hipotecas e a outras 1.358 familias para alugueres, ademais de apoio económico para abonar luz, gas e alimentos.
Tras a reunión mantida este luns con responsables de AFAGA en Vigo, Abel Caballero informou da renovación do convenio de 18.000 euros coa entidade e da cesión dun local de 600 metros cadrados e doutro espazo ao carón do mesmo para realizar accións ao aire libre cos enfermos. Ademais, Vigo iniciará os trámites ante a Unión Europea para ser declarada cidade amiga da terceira idade.
O goberno local vén de adxudicar por seis meses -renovables- unha vivenda municipal a unha muller vítima de violencia de xénero. Así o avanzou o rexedor nunha comparecencia na que tamén deu conta da aprobación dunha partida de 10.000 euros para gastos de emerxencia destas usuarias.
O alcalde informou este xoves pola mañá de que os servizos de Benestar Social municipais están atendendo a dúas familias en risco de sufrir un desafiuzamento e lembrou que dende primeiros de ano o Concello ten activado o Programa Contra Desafiuzamentos e de Emerxencia Social.
Abel Caballero garante que "ninguén en Vigo será desafiuzado mentres eu sexa alcalde" grazas a este programa que permitirá atender as necesidades urxentes de pagos de alugueres, alimentación e enerxía ao longo do ano. A Xunta de Goberno tamén aprobou a compra dun vehículo autobomba para os bombeiros de Balaídos por un importe de case 400.000 euros.
Abel Caballero anunciou este mércores un incremento de 10.000 euros para completar as axudas de emerxencia a familias en 2015. É o cuarto aumento da partida realizado polo Concello neste ano, que eleva o total adicado ao efecto a preto de 750.000 euros, aos que se engaden 2 millóns do chamado cheque social para pagos de vivenda, enerxía e alimentación.
O Centro Integral de Inclusión e Emerxencia Social (CIIES) celebrou este venres unha xornada de portas abertas na que o rexedor compartiu comida cos usuarios do centro, ao que o Concello destina 700.000 euros anuais, e salientou a aposta do seu goberno por poñelo en funcionamento "en plena crise" para aquelas persoas que o precisan.
O Concello e A Golpe de Pedal organizan esta actividade que, dende o ano 2002, leva recollidas máis dun milleiro de bicicletas para as familias viguesas con menos recursos. O alcalde anunciou que no vindeiro mes de abril Vigo contará cun carril bici que percorrerá toda a cidade para promover o uso deste medio de transporte.
O Concello coopera un ano máis na organización do mercadiño De boa man no que discapacitados de dez asociacións da cidade expoñen e venden artigos e produtos realizados polos propios usuarios. Esta iniciativa, situada nunhas carpas na rúa Príncipe, ten por obxectivo involucrar a todo o tecido social na integración social das persoas con discapacidade.
O alcalde de Vigo asinou hoxe xoves un convenio de colaboración co Banco de Alimentos por valor de preto de 14.000 euros. En declaracións aos medios, o rexedor aproveitou para animar a toda a cidadanía a apoiar a campaña de recollida que vai desenvolver a entidade esta fin de semana.