O Centro Comercial Praza Elíptica inaugura o xoves unha mostra sobre o traballo das unidades de día de drogodependencias
No marco da conmemoración do décimo aniversario da posta en marcha do Plan Local de Drogodependencias e outras Adiccións (PDLA), o Centro Comercial Praza Elíptica inaugura mañá 22 de maio, unha exposición conmemorativa que ten por obxectivo amosar o traballo desenvolvido polas unidades de día de drogodependencias, segundo explicou este mércores a concelleira de Benestar Social, María Méndez.
"As unidades de día da rede asistencial de drogodependencias do Plan de Galicia sobre Drogas, son dispositivos asistenciais de carácter semi-residencial que na cidade de Vigo son xestionadas polo propio Concello, no caso da Unidade de Día de CEDRO, e a asociación Alborada no tocante á Unidade de Día de Alborada", salientou a concelleira do BNG. A mostra, que se poderase visitar nas instalacións do céntrico centro comercial vigués mañá en horario de 10 a 19 horas e o venres de 10 a 14 horas, proporcionará información sobre cales son os obxectivos destas unidades, a que perfil de usuario están orientadas, e en que áreas de intervención traballan.
María Méndez sinalou que estas cuestións amosaranse mediante presentacións audiovisuais, folletos explicativos a disposición da cidadanía e a mostra dalgúns dos traballos realizados nos diferentes obradoiros polas persoas usuarias das unidades de día. Contarase ademáis coa presencia de profesionais destes dispositivos asistenciais co fin de explicar e aclarar calquera dúbida que aos visitantes lles poidan xurdir. Así explicarase que estas unidades son recursos de rehabilitación para pacientes drogodependentes que ofertan un programa amplo de actividades terapéuticas, educativas e ocupacionais; permiten a permanencia do paciente no seu contorno; e promoven a participación nun tratamiento intensivo, integral, diario e prolongado no tempo.
"Este servizo vai dirixido especialmente a aquelas persoas cunha importante desestructuración do seu tempo e das relacións sociais, que presentan déficits formativo-laborais, relacionais e de autocontrol, con dificultades para manter a abstinencia continuada do consumo de drogas e, sobre todo, que estean motivadas para o cambio no estilo de vida", indicou a concelleira de Benestar Social, quen engadiu que o traballo desenvólvese en diferentes áreas: a sanitaria, a terapéutica, a relacional, a formativa e a laboral. Deste xeito, preténdese acadar o reafirmamento da abstinencia como un valor positivo que hai que manter, aumentar a capacidade de autoconciencia do paciente sobre a súa problemática personal, aprender a poñer en práctica as habilidades para resolver os conflictos no seu medio, adquirir valores e normas de convivencia, proporcionar un espacio de convivencia saudable e fortalecer a súa autoestima.
María Méndez sinalou que estas cuestións amosaranse mediante presentacións audiovisuais, folletos explicativos a disposición da cidadanía e a mostra dalgúns dos traballos realizados nos diferentes obradoiros polas persoas usuarias das unidades de día. Contarase ademáis coa presencia de profesionais destes dispositivos asistenciais co fin de explicar e aclarar calquera dúbida que aos visitantes lles poidan xurdir. Así explicarase que estas unidades son recursos de rehabilitación para pacientes drogodependentes que ofertan un programa amplo de actividades terapéuticas, educativas e ocupacionais; permiten a permanencia do paciente no seu contorno; e promoven a participación nun tratamiento intensivo, integral, diario e prolongado no tempo.
"Este servizo vai dirixido especialmente a aquelas persoas cunha importante desestructuración do seu tempo e das relacións sociais, que presentan déficits formativo-laborais, relacionais e de autocontrol, con dificultades para manter a abstinencia continuada do consumo de drogas e, sobre todo, que estean motivadas para o cambio no estilo de vida", indicou a concelleira de Benestar Social, quen engadiu que o traballo desenvólvese en diferentes áreas: a sanitaria, a terapéutica, a relacional, a formativa e a laboral. Deste xeito, preténdese acadar o reafirmamento da abstinencia como un valor positivo que hai que manter, aumentar a capacidade de autoconciencia do paciente sobre a súa problemática personal, aprender a poñer en práctica as habilidades para resolver os conflictos no seu medio, adquirir valores e normas de convivencia, proporcionar un espacio de convivencia saudable e fortalecer a súa autoestima.