No acto de inauguración da Feira Internacional da Industria Naval, Navalia 2008, que se celebra no IFEVI do 20 ao 22 de maio, o alcalde destacou o "gran momento" polo que está a pasar o naval vigués, o seu "enorme potencial", e a importancia do emprego cualificado para "continuar a ser internacionalmente competitivos".
A concelleira de Benestar Social, María Méndez, presentou este martes a nova oficina de atención a inmigrantes e emigrantes retornados e fixo balance deste servizo que leva a cabo o seu departamento. Na súa intervención, a nacionalista María Méndez sinalou que un total de 747 persoas foron atendidas ao longo do 2007, das que 414 son mulleres (55,4 por cento) e 713 cunha idade comprendida entre os 18 e os 60 anos, (o 95 por cento), é dicir, en "idade laboral".
O Concello de Vigo, mediante a sinatura do concelleiro de Xestión Municipal, Carlos L. Font, formalizou este martes a reversión do edificio Cambón á Xunta de Galicia, para o seu establecemento como sede do Parque Nacional das Illas Atlánticas.
Abel Caballero acude na tarde deste martes ao Centro de Saúde de Coia onde ten lugar un dos cursos de educación vial para mulleres embarazadas que a Policía Local de Vigo está a impartir desde o pasado 12 de maio. A campaña procura o axeitado emprego dos Sistemas de Retención Infantil e se integra dentro dos cursos preparatorios para o parto.
Ponse en coñecemento do público en xeral que por mor das obras de canalización de abastecemento, a realizar pola empresa CONSTRUCCIONES DIOS, estará pechada ao tráfico a rúa Seara, treito entre Arquitecto Pérez Bellas e Arquitecto Bar Boo, con acceso exclusivo para garaxes, dende o mércores 21 de maio de 2008 ás 10:00 horas e por un período aproximado de catro semanas.