Escoitar

O Verbum celebra o seu quinto aniversario cun espectáculo de danza e entrada gratuíta durante toda a semana

O Verbum - Casa das Palabras cumpre cinco anos da súa apertura, e para celebralo acollerá o venres, 25 de abril ás 20 horas, un espectáculo de danza inspirado nas tradicións galegas. Ademais a entrada será gratuíta ata o domingo día 27.

xoves, 24 abr 2008
1209035211ver.jpg
O concelleiro de Cultura, Xesus López, anunciou que ao longo deste ano desenvolveranse diversas exposicións temporais que queren transmitir "de forma clara e contundente" cal é o espírito do Verbum, "un centro expositivo adicado á palabra como concepto amplo, como elemento de expresión, de transmisión e de creación, como elemento patrimonial e, en definitiva, como sinal da nosa cultura".

O concelleiro informou que as exposicións temporais e as actividades programadas para os vindeiros meses súmanse á exposición permanente que acolle o Verbum, organizada en 29 cubos e desenvolvida en 83 módulos nos que se tratan temas que xiran ao redor da comunicación humana.
Descargar todas as imaxes