Escoitar

A Casa das Mulleres acolle a exposición "A muller minusválida, cidadá invisible"

A Casa das Mulleres (rúa Romil 20) acolle do 26 ao 29 de xullo a exposición "A muller minusválida, cidadá invisible", organizada pola asociación "Inclusión" e na que participan a fotógrafa Marta Salorio e as pintoras Paula Tomé e Conchita Bordello.

venres, 22 xul 2005
Marta Salorio acode a esta mostra coa súa obra fotográfica, reflexo da exclusión social e da marxinalidade. Paula Tomé, artista minusválida, exporá a súa obra de acuarelas feita con materiais non contaminantes, mentres que Conchita Bordello concorrerá coa súa pintura.

A exposición contará cunha serie de paneis explicativos nos que a asociación "Inclusión" explicará a situación da muller minusválida. A mostra poderá visitarse de 17:30 a 21:30.