Vigo acolle desde mañá martes o Trofeo Mundial de Acordeón con 70 participantes de 18 países
Vigo acollerá desde mañá o Trofeo Mundial de Acordeón, que reunirá na cidade a 70 participantes. Os mellores intérpretes desta modalidade chegados de 18 países, entre eles China, Rusia, Austria, Sudáfrica ou Nova Zelanda, ofreceran ata o vindeiro sábado o mellor do repertorio musical de acordeón.
O concelleiro de Cultura, Xesus López, salientou hoxe na presentación que con este evento de nivel internacional Vigo continúa reforzando a súa aposta polos grandes eventos culturais. O nacionalista salientou que este é un certame consolidado no panorama musical, xa que chega este ano a súa 60 edición, e amosou a súa satisfacción porque a nosa cidade posa ser sede dun evento que só se celebrou antes en dúas ocasións en Galicia. "Quero dar os meus parabéns aos participantes e convidar á cidadanía a que aproveite esta oportunidade de gozar dos mellores intérpretes de acordeón", indicou.
Pola súa banda a concelleira Isaura Abelairas felicitou aos organizadores polo éxito da convocatoria e fixo fincapé no gran valor que ten ser un virtuoso do acordeón, pola dificultade que ten o instrumento.
Carlos Núñez, responsable da organización, indicou que a inauguración terá lugar mañá ás 20:30 horas e a clausura o sábado ás 18:00 horas cos gañadores. Estas actuacións terán lugar no Auditorio de Caixanova, mentres que as probas serán no Círculo Mercantil e están abertas ao público. Os participantes agrúpanse en cinco categorías diferentes e son avaliados por un xurado integrado por músicos expertos.
Descargar todas as imaxes
Pola súa banda a concelleira Isaura Abelairas felicitou aos organizadores polo éxito da convocatoria e fixo fincapé no gran valor que ten ser un virtuoso do acordeón, pola dificultade que ten o instrumento.
Carlos Núñez, responsable da organización, indicou que a inauguración terá lugar mañá ás 20:30 horas e a clausura o sábado ás 18:00 horas cos gañadores. Estas actuacións terán lugar no Auditorio de Caixanova, mentres que as probas serán no Círculo Mercantil e están abertas ao público. Os participantes agrúpanse en cinco categorías diferentes e son avaliados por un xurado integrado por músicos expertos.