Escoitar
Está previsto que do 15 de marzo ao 15 de abril de 2010, sexa o período de entrega de solicitudes de renovación ou de novo ingreso para acceder ás escolas infantís municipais

Educación do Concello de Vigo abre o prazo de convocatoria para a adxudicación de prazas e matrícula nas escolas infantís municipais

As escolas infantís municipais (EIM) son centros de titularidade municipal, xestinados por empresas concesionarias, que escolarizan a nenos e nenas de 0 a 3 anos empadroados no termo municipal, e que promove o Servizo Municipal de Educación do Concello de Vigo.

venres, 12 mar 2010
1268397730tripticomatricula2.jpg
Neste intre a Rede de EIM ten 280 prazas escolares existentes e ten estimado unha previsión de preto de 140 prazas vacantes, para o curso 2010-2011. Estos equipamentos municipais pretenden ofrecer aos cidadáns un servizo educativo para a primeira infancia desde unha dobre vertente:
educativa, entendida como unha prestación que nace do dereito do/a neno/a á educación nun ambiente axeitado ás súas necesidades. Esta función educativa é complementaria á educación recibida no seo do propio ambiente familiar; asistencial, xa que ao mesmo tempo pretende ofrecer un servizo de carácter social ás familias traballadoras do municipio, mediante horarios que permitan a correcta conciliación da vida familiar e laboral.

Son obxectivos específicos da EIM:
-proporcionar ás/os nenas/os unha atención integral sen distinción de raza, nacionalidade, sexo, relixión, lingua ou condición social
-fomentar a educación baseada nos principios e valores de tolerancia, solidariedade, igualdade, coeducación, cooperación e respecto aos demais e ao contorno
-facilitar a integración progresiva dos/as nenos/as na súa cultura e no seu medio
-prestar especial atención á diversidade dos/as nenos/as, respetanto as diferenzas físicas, intelectuais ou culturais que existen entre eles/as facilitando a súa integración
-servir de reforzo e apoio ás familias traballadoras da cidade co fin de colaborar na conciliación da vida laboral e familiar.

Os requisitos específicos para ser adxudicatario/a de praza nas EIM son os seguintes:
-que a/o nenas/o teña a súa residencia en Vigo e teña nacido no momento de presentar a solicitude
-ter unha idade mínima de tres meses na data de ingreso e non ter cumpridos 3 anos o 31 de decembro de 2010

As escolas teñen un horario contínuo de 07'30 h. ás 20'00 horas. E ao longo do mesmo, os/as nenos/as permanecerán un mínimo de 4 horas. e un máximo de 8 horas.

As/os interesadas/os poderán solicitar praza a través do formulario normalizado de solicitude que poder ser recollido no Servizo Municipal de Educación, nas propias EIM ou ser descargado na páxina web municipal.

As escolas infantís municipais son as seguintes:

ESCOLA INFANTIL MUNICIPAL "SANTA CRISTINA" :
Enderezo: Rúa Santa Cristina, 1 (Lavadores)
Teléfono: 986 28 07 32

ESCOLA INFANTIL MUNICIPAL "ATALAIA" :
Enderezo: Avd. Doña Fermina, 9 (subida á Guia)
Teléfono: 987 37 65 03

ESCOLA INFANTIL MUNICIPAL "SANTA MARTA" :
Enderezo: Rúa Santa Marta, 38 (esquina rúa Torrecedeira)
Teléfono: 986 44 21 53

ESCOLA INFANTIL MUNICIPAL "COSTEIRA" :
Enderezo: Baixada á Praia, 83 (Saiáns)
Teléfono: 986 49 86 77
Descargar todas as imaxes

Máis información