O alcalde asegura que as humanizacións adxudicadas do "Plan Zapatero" crearán 861 empregos
Este martes se validaron os derradeiros catro lotes de humanizacións restantes do Plan E, que finalizan as adxudicacións das melloras nas rúas viguesas. O investimento total en humanizacións adxudicadas ascende a 37,5 millóns de euros e os traballos empregarán a 861 persoas de modo directo e a "tres mil e pico entre directos e indirectos", asegurou Abel Caballero.<br />
O alcalde de Vigo, Abel Caballero, fixo este martes balance de todas as humanizacións validadas con cargo ao "Plan Zapatero", obras que empregarán directamente a 861 persoas e a unhas "tres mil e pico" contando os indirectos e que suma unha inversión superior aos 37,5 millóns de euros.
Este martes, a sesión extraordinaria da Xunta de Goberno Local deu luz verde ás melloras de Sanjurjo Badía, entre o barrio das Flores e García Barbón; ás Avenidas de Balaídos e Portanet; ás rúas Estrada e Baiona; e ás rúas Torrecedeira, entre Eugenio Fadrique e Santa Marta, e Tomás Alonso, entre Pi y Margall e Praza da Industria.
Estes catro lotes completan as adxudicacións de todas as humanizacións previstas no Fondo Estatal de Inversión Local, e o investimento neles supera os 13 millóns de euros, segundo informou o alcalde.
No balance final, Abel Caballero destacou que os pregos de condicións esixían unha suma de 605 traballadores en todas as humanizacións, mais as adxudicatarias atenderon ao requerimento municipal de incrementar no posible o emprego, acadando finalmente os 861 postos de traballo directamente derivados das melloras. 256 empregos a maiores que significa un 42% máis do estipulado polo Concello de Vigo.
As obras de humanización xa adxudicadas comezarán "todas á vez" e nun prazo aproximado de "dúas semanas", segundo estimou o alcalde, polo que se activarán plans de tráfico específicos.
Descargar todas as imaxes
Este martes, a sesión extraordinaria da Xunta de Goberno Local deu luz verde ás melloras de Sanjurjo Badía, entre o barrio das Flores e García Barbón; ás Avenidas de Balaídos e Portanet; ás rúas Estrada e Baiona; e ás rúas Torrecedeira, entre Eugenio Fadrique e Santa Marta, e Tomás Alonso, entre Pi y Margall e Praza da Industria.
Estes catro lotes completan as adxudicacións de todas as humanizacións previstas no Fondo Estatal de Inversión Local, e o investimento neles supera os 13 millóns de euros, segundo informou o alcalde.
No balance final, Abel Caballero destacou que os pregos de condicións esixían unha suma de 605 traballadores en todas as humanizacións, mais as adxudicatarias atenderon ao requerimento municipal de incrementar no posible o emprego, acadando finalmente os 861 postos de traballo directamente derivados das melloras. 256 empregos a maiores que significa un 42% máis do estipulado polo Concello de Vigo.
As obras de humanización xa adxudicadas comezarán "todas á vez" e nun prazo aproximado de "dúas semanas", segundo estimou o alcalde, polo que se activarán plans de tráfico específicos.