O alcalde dálle a benvida a Vigo ao OGC Nice
Abel Caballero participou esta mañá no acto de recepción á directiva do OGC Nice organizado polo Celta, previo ao partido que enfrontará aos dous equipos esta noite no Estadio Municipal de Balaídos. "Este é o terceiro partido -do Celta- na Europa League e aspiramos a todo; a nosa aspiración non ten límite", afirmou o rexedor, poñendo en valor a figura de Iago Aspas, que esta noite xogará o seu partido número 534. Dándolle a benvida á cidade á directiva e aos afeccionados cualificou ao equipo como un "gran visitante" e amosou a súa satisfacción porque "esta noite vaiamos competir no mellor campo do mundo".
