Concello e AHOSVI agardan unha ocupación hoteleira de ata o 90% este verán
O alcalde e os concelleiros de Turismo e Xuventude e Comercio e Festas Especiais reuníronse hoxe coa nova directiva da Asociación de Hostalería de Vigo, AHOSVI. Presidida por Daniele Provezza, os directivos expuxeron os seus novos proxecto á vez que analizaron con Abel Caballero os bos datos de ocupación hostaleira da cidade, tanto no verán como no inverno coa programación de Nadal. "Turismo amable e de calidade", subliñou o rexedor. As estimacións municipais para este verán é chegar ata o 90% de ocupación hoteleira.
