A Porta do Sol acolleu esta mañá unha xornada de concienciación sobre a importancia da reciclaxe na que participaron 257 nenas e nenos. Trátase dunha actividade enmarcada na conmemoración do Día Mundial do Medio Ambiente.
O goberno municipal adxudicará mañá a obra das ramplas mecánicas de Pintor Colmeiro cun importe de 2,5 millóns de euros. O proxecto incluirá a humanización da rúa, o que permitirá gañar espazo peonil e mellorar a seguridade viaria
Mañá realizarase a XXVIII Conferencia de Presidentes en Barcelona, ante a que o Goberno central propúxolle ás comunidades un plan de 7.000 millóns para financiar e blindar a vivenda. O alcalde sinalou que “non se lle ocorra ao señor Rueda rexeitalo”, xa que, “poríase ao servizo do seu partido e deixaría as súas obrigacións coa cidade”
Ata o 11 de xuño, as asociacións, colectivos e entidades debidamente constituídas poderán presentarse as súas peticións para organizar as cacharelas na noite e madrugada do 23 e 24 de xuño.
O alcalde inaugurou este xoves no MARCO a mostra "Generación 2025", un proxecto da Fundación Montemadrid La Casa Encendida, cuxa iniciativa cultural celebra o seu 25º aniversario. Dende o ano 2000 mostra anualmente unha selección de proxectos artísticos, co empeño de proporcionar aos artistas ferramentas de produción e promover a difusión dos seus traballos. En Vigo, dende hoxe e ata o 12 de outubro, expoñerán os 8 artistas gañadores, que comparten narrativas sobre futuros desexables e a Intelixencia Artificial como produtora de ficción e o interese pola oralidade.