Caballero insta ao presidente da Xunta a aceptar a proposta do Goberno central para construír 10.000 vivendas en Vigo
Mañá realizarase a XXVIII Conferencia de Presidentes en Barcelona, ante a que o Goberno central propúxolle ás comunidades un plan de 7.000 millóns para financiar e blindar a vivenda. O alcalde sinalou que “non se lle ocorra ao señor Rueda rexeitalo”, xa que, “poríase ao servizo do seu partido e deixaría as súas obrigacións coa cidade”
Barcelona acolle mañá a XXVIII Conferencia de Presidentes, a que o Goberno central propúxolle as comunidades un plan de inversión que alcance os 7.000 millóns para financiar e blindar a vivenda. Pedro Sánchez envioulle unha misiva aos presidentes autonómicos na que propón que o Goberno de España aporte o 60%, preto de 4.000 millóns de euros e as autonomías o 40% restante, uns 3.000 millóns.
Abel Caballero esta mañá instou “ao presidente da Xunta de Galicia a aceptar de forma inmediata”, xa que “iso significaría que en Vigo se podería acometer de xeito inminente a construción de 10.000 vivendas de protección, que son necesarias”. Ante “esta gran oportunidade”, o rexedor solicitoulle a Alfonso Rueda “que acepte porque é o que a xente necesita”
O rexedor propuxo unha reunión entre o Goberno de España, a Xunta de Galicia e o Concello de Vigo para poñer “inmediatamente en marcha esas 10.000 vivendas”. Finalizou Caballero sinalando que “non se lle ocorra ao señor Rueda rexeitalo”, xa que, “poríase ao servizo do seu partido e deixaría as súas obrigacións coa cidade”, e en caso de negativa o alcalde propondralle ao Goberno central “realizar a cooperación co Concello de Vigo”.