martes, 3 xuño 2025

O goberno local asume a reparación do Colexio Celso Emilio Ferreiro ante a inacción da Xunta nas súas competencias

O Concello de Vigo contratou a unha empresa de enxeñería para que estude a situación da cuberta e do Colexio Celso Emilio Ferreiro e emita “inmeditamente” un ditame sobre as necesidades de actuación “ante o gravísimo abandono da Xunta de Galicia das súas competencias e responsabilidades”, segundo avanzou este martes o alcalde. “O tellado e a cuberta están nunha situación visiblemente deficiente” e a administración galega “non o quere asumir como unha reparación da súa obrigación”, recalcou Caballero.

O alcalde saúda ao alumnado do colexio Eleven School

martes, 3 xuñ 2025

Abel Caballero destacou este martes ante os 40 alumnos de quinto e sexto de Educación Primaria e primeiro de Secundaria do colexio Eleven School, que participan na actividade didáctica " Visita o teu Concello", a importancia para o seu futuro da aprendizaxe que reciben en inglés e que fomenta o Concello de Vigo coas becas de idiomas que cada ano melloran os coñecementos de preto de 2.000 estudantes da cidade. O alcalde, e a primeira tenente de Alcaldía, Carmela Silva, transmitiron ao estudantado o traballo que se desenvolve no Concello para o benestar da cidadanía e para proporcionar servizos de calidade. Animoulles a estudar para que quen queira poida ser alcalde da cidade, "que é o mellor que lle pode pasar a unha persoa".