O Pleno de Vigo aprobou este luns, con 18 votos a favor do grupo socialista, 4 abstencións do PP e 3 negativas dos edís do BNG, a modificación do orzamento en 72 millóns de euros con cargo aos remanentes municipais. A ampliación irá destinada a políticas de vivenda, obras en colexios, melloras en instalacións deportivas e humanizacións, entre outros proxectos.
O rexedor destacou que se trata de varias obras que suman “máis de 5 quilómetros na cidade”.
Abel Caballero desvelou esta mañá os datos de ocupación hoteleira da segunda fin de semana de agosto, sinalando que é a suma "da mobilización do verán e a do Marisquiño", que tivo unha edición do festival urbano "mellor ca nunca, fóra de serie". O rexedor aseverou que isto tivo o seu reflexo no nivel de ocupación hoteleira, que acadou un "98%; un cheo total" polo que se congratulou polo emprego e os recursos que xera na cidade.
O Goberno Municipal de Vigo aprobou as bases da convocatoria das subvencións destinadas a apoiar os actos sociais e eventos organizados polo movemento asociativo para fomentar a participación cidadá. Dotadas con 60.000 euros, estas axudas súmanse ao conxunto de apoios do Concello ao movemento asociativo da cidade.