luns, 24 xuñ 2024
A Corporación municipal de Vigo aprobou hoxe, cos votos a favor dos edís do PSOE e do PP, o Plan de Reforma Interior do SU UA3 Montana, en Alcabre, que supón desenvolver un ámbito de 19.000 metros cadrados, no que se xerará un espazo verde de 5.000 metros e se construirá un total de 43 vivendas unifamiliares. A concelleira de Urbanismo explicou no pleno deste luns que o desenvolvemento do PERI conta con todos os informes favorables, tanto da Xunta, como de Costas e Transportes e Mobilidade, Axenda Urbana, entre outros.
luns, 24 xuñ 2024
O Concello de Vigo aprobou este luns, cos votos dos grupos municipais do PSdeG-PSOE e do BNG, senllas mocións socialistas nas que instan á Xunta a poñer en marcha mecanismos e instrumentos concretos para rebaixar os prazos de espera tanto en consultas xerais como en cirurxías, así como a cambiar a planificación de verán para evitar o peche de camas, ademais da reforzar o persoal de Atención Primaria para evitar os problemas que se suceden nos centros de saúde. Tamén insistiron en reclamar á Consellería de Sanidade que decrete a gratuidade do aparcamento do Hospital Álvaro Cunqueiro e a cesión dunha parcela ao Concello para construír un novo estacionamento. O PP votou en contra de todas as propostas.
luns, 24 xuñ 2024
Aumentar a partida da axuda que a consellería de Presidencia, Xustiza e Deportes concede ao concello para os servizos de praia, así como dotar ao parque natural das Illas Cíes dun servizo médico de atención fora do horario de salvamento que presta o concello. Son as dúas peticións dirixidas este luns á administración galega polos corporativos do PSdeG-PSOE e do BNG, que votaron a favor da moción presentada polo grupo municipal socialista, para demandar melloras na “paupérrima” subvención asignada a Vigo para atender ás súas 56 praias.
luns, 24 xuñ 2024
A moción defendida por Yolanda Aguiar, contou co voto favorable do grupo socialista e a abstención de Partido Popular e BNG.
luns, 24 xuñ 2024
O Pazo de Castrelos acolleu esta mañá a reunión na que a primeira tenente de alcalde, Carmela Silva, combinou o seu papel de anfitrioa co de vicepresidenta da Comisión de igualdade da Femp, un organismo que lidera Mariola Vargas, alcaldesa de Collado Villalba. No encontro destacouse a transcendencia de que esta entidade loite pola Igualdade dado que representa a todos os municipios españois
luns, 24 xuñ 2024
O Pleno celebrado este luns asumiu o compromiso, plasmado nunha declaración institucional presentada pola concelleira de Política Social, Yolanda Aguiar.
