O Concello contratará de novo o programa que permite seguir formando a persoas adultas con clases de alfabetización, cálculo matemático e novas tecnoloxías. Nestes momentos hai 180 alumnos dos que a maioría son mulleres de idade avanzada que non tiveron a oportunidade de formarse no seu momento.
O Marisquiño volve a Vigo o 8, 9, 10 e 11 de agosto para volver a converter a cidade no epicentro mundial dos deportes de acción e cultura urbana. O Concello dedica un millón de euros ao financiamento deste festival.
A Xunta de Goberno Local aprobou a licitación desta obra así como o proxecto de substitución da tubaxe de abastecemento de auga da Avenida de Samil e o proxecto básico e de execución da reforma das dependencias da Policía Local.
O rexedor visitou este venres xunto á tenente de alcalde, Carmela Silva, e á concelleira de Política Social, Yolanda Aguiar, a intervención artística "Sentada na Rúa". A acción, organizada polo Concello e APAMP, dentro da programación do Festival de Arquitectura TAC!, amosa as máis de setenta cadeiras que contan as súas propias historias, realizadas por 30 centros, entidades e colectivos da cidade e doutras zonas de Galicia. Como indicou Caballero na súa intervención, "reconquistar o espazo para as persoas con discapacidade".
O alcalde deu conta este venres do programa “Marco Inclusivo”, que inclúe laboratorio de arquitectura, talleres de verán e visitas e obradoiros ao redor das exposicións temporais.
As xogadoras nacionais enfrontaranse ás seleccións de Turquía e China, na noite de hoxe e o domingo 23 de xuño, respectivamente. Tras o derradeiro adestramento prepartido, Abel Caballero achegouse ao pavillón das Travesas, saudando ao seleccionador vigués, Miguel Méndez, e ao resto dos integrantes no stage que realizan en Vigo. O rexedor intercambiou impresións coas xogadoras, entre as que se atopa a internacional olívica, María Araújo. No acto aproveitaron para intercambiar agasallos conmemorativos, aproveitando o rexedor para convidalos "a xogar e adestrar en Vigo" sempre que o desexen, para posteriormente desexarlles "toda a sorte do mundo nas Olimpíadas de París".
O Concello iluminará de verde as fontes de Aragón hoxe venres, 21 de xuño, para celebrar o Día Mundial contra a Esclerose Lateral Amiotrófica, unha data impulsada por asociacións de pacientes de todo o mundo para concienciar sobre a enfermidade e esixir máis investigación, un piar para conseguir aumentar a esperanza de vida dos pacientes con ELA. O domingo, 23 de xuño, as fontes de Aragón tínguense de morado para conmemorar o Día Mundial da Síndrome de Dravet, unha encefalopatía epiléptica de orixe xenética enmarcada na familia patolóxica das canalopatías, xa que aproximadamente o 80% dos pacientes afectados presenta unha mutación no xen SCN1A.