Vigo abre a temporada de orquestras coa actuación da París de Noia

A partir das 21:30 horas no exterior de Balaídos actuará a orquestra París de Noia, que abre a tempada que se estenderá ao longo de todo o verán. Este concerto suple ao suspendido no final do verán por mor da choiva o que impediu que se celebrara o peche da tempada artística. A París de Noia, en xira desde 1957, comeza o tour 2023 con 34 profesionais en ruta.

• Medioambiente

Abre o prazo de inscrición para a VIII Andaina polos Montes de Vigo

O Concello celebra a xornada o 14 de maio con catro itinerarios e programación familiar no parque forestal de Beade. O prazo de inscrición está aberto ata o 12 de maio ás 14 horas. Pódese reservar praza no 010 ou no 986 810 260.

• Cultura

Vigo acollerá o V Congreso Mundial Jules Verne en 2028

A Sociedade Jules Verne de Vigo acaba de ser designada como organizadora do encontro, unha decisión que lle trasladaron este venres ao alcalde, nunha reunión na que deron conta do resultado dun estudo no que recollen mencións sobre a cidade, ata agora descoñecidas, nas obras do autor francés.

• Sanidade e Consumo

O Concello recibe un premio polo labor de CEDRO na erradicación da hepatite vírica

Vigo vén de recibir o premio “Hepcelentes 2023” concedido pola Sociedade Española de Directivos da saúde e a Alianza española para a eliminación da hepatite. Trátase dun recoñecemento á actividade desenvolvida desde a entidade municipal CEDRO.

• Seguridade

O alcalde pon en valor a responsabilidade social do labor policial

Abel Caballero participou este venres na apertura das II Xornadas Saudepol de promoción da saúde mental e de prevención do suicidios entre os integrantes das Forzas e Corpos de Seguridade e Emerxencias, que se celebran na Comisaría de Vigo-Redondela. Na súa intervención, o rexedor abordou a necesidade de aprender a “compartir a carga de tensión” asociada á responsabilidade do labor que desenvolven os axentes especialmente nos momentos complexos.