Abel Caballero informou este xoves dun novo galardón de Vigués Distinguido, concedido ex aequo este ano a trece colexios pola súa traxectoria temporal e singular, un "recoñecemento" convertido en "homenaxe" á educación da cidade: "Vigo é o que é neste momento, unha gran cidade, pola labor educativa e de formación de tantos colexios durante 25, 50 e ata 75 anos".
O Barrio das Flores terá en breve un novo aparcamento municipal despois de que a Xunta de Goberno Local do Concello de Vigo aprobase este xoves o proxecto do aparcadoiro para a rúa Coutadas. Tamén recibiron o visto e prace as achegas para o Museo Liste e o Cine Club Lumiere.
A Xunta de Goberno Local aprobou este xoves unha transferencia de 125.000 euros a favor de Vide. Tamén recibiu o visto e prace, segundo informou Abel Caballero, unha achega de 33.000 euros á Rede de Mulleres Veciñais de Vigo contra os malos tratos.
O rexedor defende que é o goberno autonómico quen debe asumir ese custo ao tratarse dun transporte interurbano entre diferentes municipios, polo que Vigo non pagará "mentres eu sexa alcalde".
O alcalde recibiu hoxe na Praza do Rei ao primeiro colexio partícipe do programa "Vigo no tempo". O alumnado do CEIP Mosteiro Bembrive asistiu á visita guiada polo Casco Vello dirixida polo personaxe do soldado francés Pierre Delapierre, perdido polas rúas de Vigo dende a histórica data de 1809.
Abel Caballero achegouse esta mañá á carpa instalada na rúa Príncipe con motivo do Día Mundial do Ril para concienciar á cidadanía da importancia da prevención. Baixo o lema Salud renal para todos en todas partes, profesionais sanitarios facilitaban ao público información sobre a enfermidade renal que afecta a 50.000 persoas en España e que está a avanzar de xeito preocupante, segundo advirte a OMS.