Abel Caballero anunciou a aprobación este xoves da contratación, os pregos de condicións e apertura da licitación da transformación da Gran Vía, de Lepanto a Praza de España, incorporando rampas mecánicas, ámbitos artísticos e culturais e novas zonas verdes no bulevar. A obra, cofinanciada por fondos FEDER da Unión Europea, sae a licitación por 9 millóns de euros.
Caballero criticou a situación de "cerrazón total" da Xunta na negociación cos traballadores de Xustiza que están en folga en defensa dos seus dereitos laborais. En rolda de prensa, amosou a súa preocupación pola actitude de falta de diálogo do goberno autonómico e reiterou o seu apoio ás reivindicacións deste colectivo profesional.
Vigo celebra os 150 anos da entrada do Nautilus na ría e os 140 anos da primeira visita de Verne a cidade. Para conmemoralo, o goberno vigués programa actividades culturais e divulgativas entre o 15 e o 17 de febreiro. "Queremos que este ano se convirta nun ano memorable, enxalzando o nexo entre Verne e Vigo", explicou Abel Caballero.
A Xunta de Goberno Local aprobou as actuacións preparatorias para poñer en marcha o cuarto plan de arte urbana coa que decorar medianeiras e outros elementos verticais con incidencia sobre la vía pública. O alcalde anunciou "unha grande mobilización" cultural arredor do programa de medianeiras.
A "III Gala benéfica Nico contra o cancro infantil" encherá de solidariedade o Teatro Afundación o próximo 10 de febreiro. Na rolda de prensa de presentación, o rexedor animou a toda a cidade a participar dun evento que contará con Carlota Corredera, como mestra de cerimonias.
O rexedor achegouse esta mañá ao colexio Alba no que a Policía Local estaba a impartir un curso para formar ao alumnado en seguridade viaria. A continuación, o alcalde coñeceu as instalacións do centro educativo.