Este grupo "sensacional", afirmou o alcalde, dará o pistoletazo de saída aos actos programados polo Concello de Vigo para este Entroido. Efecto Pasillo actuará na Porta do Sol despois da entronización do Meco, que comeza ás 20 horas, e da animación de rúa. Este sábado ás 18 horas, o desfile de comparsas.
Encabezado polo alcalde, este venres tivo lugar o acto simbólico de colocación da primeira pedra dunha obra de case 2,8 millóns e 14 meses de duración, que suporá a renovación completa do parque e a construción dun elevador que unirá Torrecedeira con Pi y Margall.
O Concello ven de establecer paradas adicionais nas rutas de autobuses con fin de incrementar a seguridade das mulleres nos seus desprazamentos nocturnos. A partir do próximo venres, esta medida empezará a funcionar en todas as liñas a partir das 22,30 h, incluídas as tres rutas nocturnas.
O alcalde recibiu este venres aos organizadores do Congreso Martec 2018 e deu o apoio do Concello aos representantes do instituto de Investigacións Mariñas e o Instituto Español de Oceanografía. A cita celebrarase en Vigo do 2 ao 4 de maio e tratará sobre a política de descartes pesqueiros. Abel Caballero tamén mantivo unha reunión con directivos da Escola de Estudos Empresariais para unha xuntanza internacional na que cooperará o Concello.
354 camións de máis de dez toneladas solicitaron ao Concello autorización de paso diario por Sanjurjo Badía, segundo informou hoxe venres o alcalde, peticións que serán denegadas se empregan o vial como mera ruta de paso. O goberno argumenta que os camións pesados merman a calidade de vida dos veciños de Teis, afectan ao transporte urbano e escolar, deterioran o vial e producen contaminación acústica.
Con motivo do desenvolvemento dos actos do Entroido 2018, que afectarán principalmente as rúas García Barbón, Policarpo Sánz, Porta do Sol e Paseo de Alfonso XII, levarase a cabo o seguinte dispositivo de regulación e cortes de tráfico: