O Concello vai renovar as canalizacións da rúa Venezuela unha vez detectado o mal estado das mesmas -de ferro e fibrocemento e con máis de 80 anos-. En declaracións aos medios, Caballero explicou que o goberno local xa renovou 330 quilómetros de abastecemento e máis de 400 de saneamento.
O goberno de Vigo abre o proceso de licitación do servizo de vixilancia, socorrismo, salvamento e asistencia sanitaria no verán en dez praias da cidade, contrato por dous anos e importe total de 970.000 euros. Abel Caballero informou tamén da solicitude de renovación das nove bandeiras azuis e tres sendeiros azuis conseguidos o pasado ano.
O alcalde de Vigo e presidente da Federación Española de Municipios e Provincias (FEMP) solicitou unha entrevista con Cristóbal Montoro para solicitarlle que "atenda as necesidades dos municipios" logo de que o ministro barallase a posibilidade de reestruturar a débeda das Comunidades Autónomas.
O alcalde de Vigo achegouse este xoves ao centro educativo Rosalía de Castro onde o Concello está a formar na concienciación e educación do seu alumnado sobre seguridade viaria.