O alcalde de Vigo informou este venres da apertura do procedemento de licitación das obras de reforma da cuberta e da bancada de Tribuna-Preferencia, no estadio de Balaídos, na súa segunda fase, por un importe superior aos 5,2 millóns de euros. Caballero estimou que as obras poderán estar en marcha a finais do mes de novembro.
O alcalde de Vigo achegouse esta mañá ao CEIP García Barbón onde se está a ampliar o comedor e a construír na pranta baixa uns baños e un vestiario. O alcalde incluíu esta obra nos traballos de posta a punto que está a realizar o Concello en 28 centros públicos da cidade.
Tal e como explicou este venres Abel Caballero, a Xunta de Goberno Local validou un convenio polo que achega 42.000 euros para a celebración no Marisquiño deste ano do Campionato de Mountain Bike Dirt Jump Puntuable para a Copa do Mundo FMB World Tour 2015". Deste xeito, a colaboración total do Concello con este evento de cultura urbana se eleva aos 82.000 euros.
Abel Caballero asinou este venres sendos convenios do Plan de Emprego do Concello en favor das asociacións de comerciantes Centro Príncipe e Zona Centro, un total de 90.000 euros cos que o goberno de Vigo apoia a contratación de 13 profesionais.
As Festas de Vigo ofrecen esta fin de semana múltiples actividades coa celebración do concerto de Julieta Venegas, o Marisquiño, a Noite Branca, ou a festa do Polbo.
O Concello de Vigo pon en funcionamento o "Dispositivo de acceso ao baño para persoas con mobilidade reducida nas praias de Samil e Vao", nos meses de xullo e agosto de luns a domingo, dende as 11:00 horas a 14:00 horas e dende as 16:00 horas a 20:00 horas.
Ponse en coñecemento do público en xeral que por mor do remate da obra de humanización nas rúas Ronda Don Bosco e María Berdiales, establécese sentido único nas rúas e treitos seguintes: PROGRESO, entre Ronda Don Bosco e Velázquez Moreno, cara a Velázquez Moreno. RONDA DON BOSCO, ente Joaquín Lóriga e Gil, cara a Gil. GIL, entre Ronda Don Bosco e Magallanes, cara a Magallanes, dende o 07/08/2015 ás 10:00 horas.