O goberno local humanizou nos últimos sete anos máis de 500 rúas, entre as que se atopa Doutor Canoa, cun orzamento de 230.000 euros para unha actuación de máis de 300 m. Segundo resaltou o rexedor, estas obras permitiron crear moitos empegos na cidade, ademais de mellorar a calidade de vida dos veciños.
O alcalde informou este martes dun novo fallo xudicial relativo ao PXOM vigués, desta volta do Tribunal Supremo, favorable aos intereses do Concello. A Sala fallou en contra do demandante, que solicitaba a anulación do Plan en vigor, e Abel Caballero amousou a súa satisfacción por un novo respaldo xudicial á legalidade do planeamento vigués.
O alcalde recibiu este martes aos organizadores de ViKul 2015, a terceira edición do Encontro Internacional de Danza Urbana de Vigo, e lles trasladou o respaldo do goberno municipal á súa celebración, prevista para o mes de xullo, previsiblemente no Verbum, en Samil. A cita pasará dos catro dias habituais a sete, segundo avanzou Caballero.
Abel Caballero mantivo este martes unha entrevista con Alfonso Álvarez Gándara, hoxe decano en funcións do Colexio de Avogados de Vigo, un "recoñecemento" da cidade ao seu traballo e "bo facer" na entidade, sempre en defensa do colectivo profesional e "do interese da cidade" de Vigo, salientou o rexedor.