As empresas que empreguen ou convertan en indefinidos contratos temporais de mozos menores de 30 anos poderán acollerse as axudas á contratación e mollora do emprego xuvenil impulsado polo Concello e dotado con 500.000 euros. Así o explicou hoxe o alcalde nunha comparecencia na que lembrou o compromiso do goberno local co fomento do emprego na cidade.<br />
O alcalde de Vigo participou esta mañá no inicio do curso escolar no colexio San Miguel, un centro que en Vigo ten unha "importante traxectoria", atendendo todas as estapas educativas ata a Universidade, incluíndo a Formación Profesional. Durante o acto, Caballeo quixo recoñecerlle aos responsables do centro a súa "gran función educativa" así como a todos os mozos e mozas que se formaron neste colexio desde os anos 60.
O alcalde, a tenente de alcalde e os responsables e usuarios de Aspanaex presentaron este venres a 31ª edición da marcha, que terá lugar o próximo domingo, 5 de outubro, con saída e chegada no parque de Castrelos. Tanto Caballero como Silva eloxiaron o traballo da entidade e chamaron a sumarse a unha cita lúdica a prol dos dereitos das persoas con discapacidade intelectual.
O alcalde informou hoxe venres do informe emitido pola Xerencia municipal de Urbanismo relativo a dous proxectos de obras de AENA en Peinador, actuacións no campo de voo e a adecuación da franxa noroeste do aeroporto. Os técnicos sinalan que os traballos non significan incremento de volume, edificabilidade ou altura.