O alcalde de Vigo asinou este mércores o convenio polo que Conxemar recibe 100.000 euros do Concello como apoio á celebración da principal feira do conxelado do mundo. Caballero solicitou á Xunta de Galicia e ao Goberno de España un respaldo "con máis enerxía" ao certame e recordou que a aportación municipal é superior á dos gobernos estatal e autonómicos xuntos.
Abel Caballero visitou este mércores un dos cursos que imparte o Concello de Vigo aos axentes en técnicas de RCP e Soporte Vital Básico, unha formación que se extenderá a todos os efectivos policiais, segundo indicou o rexedor.
O alcalde vigués participou hoxe da inauguración do novo Punto de Información e Xardín Conmemorativo do Cable Submariño de Vigo, no porto da cidade. Manifestou Caballero a súa satisfacción pola execución desta obra e a "simboloxía notable" do cable telegráfico en Vigo.