O rexedor deu conta hoxe martes da concesión de 2.300 axudas de emerxencia social no que vai de ano, cun montante que ascende aos 465.000 euros. Nesta mesma semana, o goberno local adxudicou achegas por preto de 18.000 euros.
O alcalde de Vigo reiterou hoxe a súa disposición a aceptar que Vigo aporte 160.000 euros anuais ao transporte metropolitano sempre que esta cantidade figure como tope no convenio. Así llo trasladará por escrito á conselleira de Medio Ambiente e Infraestructuras, Ethel Vázquez coa que mantivo onte un encontro na Alcaldía para falar deste asunto.
O alcalde deu apoio este martes a ARVI na súa intervención ante os representantes da Reunión Anual da NAFO. A entidade presenta os seus obxectivos de futuro e, sempre desde o respecto absoluto á sustentabilidade, Caballero ve aos armadores "cargados de razón" nas cotas que demandan para España e, polo tanto, para Vigo.
O alcalde de Vigo rubricou este martes o acordo coa Asociación de Comerciantes e Hosteleiros Vigovello para potenciar o comercio na zona histórica viguesa coa contratación de 8 profesionais, con cargo ao plan de emprego do Concello. Caballero recordou que o goberno de Vigo adica 5,4 millons ao fomento do emprego na cidade.
Tras o consenso acadado polas tres forzas políticas con representación municipal, o alcalde de Vigo informou hoxe martes da designación de Óscar Villar como representante da cidade no padroado de Afundación. Villar é unha persoa "moi implicada no movemento cultural de Vigo", subliñou Caballero, quen avanzou que na seguinte Xunta de Goberno Local será aprobado o nomeamento.