As arcas públicas aforrarán 3,2 millóns en intereses grazas á amortización de crédito de 11 millóns que aprobou esta mañá a Corporación municipal. Tal e como explicou a tentente de alcalde e presidenta no Pleno, Carmela Silva, esta operación é un paso máis do plan adoptado en 2013 cara á débeda cero e segue a manter a Vigo entre as cidades menos endebedadas de España.
A moción -presentada polo grupo socialista na sesión plenaria este luns e aprobada co apoio de todos os partidos- insta ao Ministerio a realizar un estudo, deseñar un plan de acción e acometer as medidas concretas "para reducir os niveis de exposición da poboación de Vigo ao ruído ocasionado polo segundo cinto, especialmente nas zonas de Navia e Valadares"
Presentada polo PP, unha moción aprobada por todos os grupos políticos solicita do goberno local o mantemento dos espazos e rúas do centro da cidade que foron humanizados hai máis de tres anos. Outro acordo adoptado por unanimidade posibilitará empregar zonas verdes como espazos públicos de exposición temporal de esculturas.