O alcalde amosou hoxe "a súa satisfacción" ao anunciar a creación de centos de postos de traballo a través da subvención de 800.000 euros que se distribuirá entre entidades sen ánimo de lucro. Na Xunta de Goberno local tamén se aprobou o proxecto de humanización da rúa Ronda don Bosco.
O alcalde de Vigo presidiu este venres o acto de descubrimento de placa da nova rúa Ventura González Prieto, xunto ao Centro Comercial Travesía, un "recoñecemento" e "homenaxe" da cidade, en verbas de Caballero, ao traballo en Vigo do fundador da hoxe Vegalsa-Eroski durante décadas.
Onte xoves, o alcalde de Vigo desprazouse a Oporto nunha visita oficial ao concello portugués, onde acordaron impulsar un proxecto de promoción turística no exterior, cooperar nos ámbitos de rehabilitación dos cascos históricos e traballar para conseguir financiamento europeo en proxectos de cidades intelixentes.
A última xornada de Imaxina Sons o sábado 5 de xullo comeza á unha do mediodía e remata á unha da madrugada. Unha xornada completa que arranca con "Jazz fóra de lugar" na rúa de Londres e finaliza con "Jazz na noite" no club Xancarajazz. No medio, dous pratos fortes: Lucia Martínez Berliner Projekt AzulCielo no Auditorio Municipal do concello ás 21h e, despois, na praza da Constitución ás 23h, Riverside Quartet, a formación liderada polo trompetista Dave Douglas e o saxo Chet Doxas en tributo á música de Jimmy Giuffre.
A Concellería de Politica de Benestar pon en funcionamento o "Dispositivo de acceso ao baño para persoas con mobilidade reducida nas praias de Samil e Vao durante os meses de xullo e agosto.