O alcalde avanzou hoxe martes que técnicos forestais que revisaron o estado de conservación do olivo do Paseo de Alfonso auguran alomenos outros cen anos de vida para esta árbore, coñedidos os resultados da tomografía que se lle acaba de practicar. Caballero anunciou que o Concello vai prantar gallos deste exemplar no vivieiro do Castro para, máis adiante, plantalos en zonas emblemáticas da cidade.
A Xunta de Goberno local aprobou 285.304 euros para o mantemento ordinario dos centros públicos, unha cantidade que xestionan os propios directores. Asimesmo, a esta cifra súmanse outros 600.000 euros que o Concello adica a obras realizadas directamente pola administración local.
O rexedor recibiu hoxe martes á xunta directiva de Special Olympics, que van organizar en Vigo os XVIII xogos autonómicos de fútbol sala na cidade. 500 deportistas se darán cita nas intalacións de As Travesas para participar nesta competición das olimpiadas para persoas con discapacidade.