Abel Caballero mantivo este xoves un encontro con algunhas das entidades que cooperaron co Concello de Vigo no desenvolvemento do Plan Municipal de Emprego do pasado ano, dotado con 2,4 millóns que en 2013 pasa a 2,8 millóns, un 16,6% máis. O orzamento municipal total de Emprego este ano suma 5,5 millóns.
O acalde de Vigo comprometeuse esta mañá a estudar a posible ampliación do pavillón de Coruxo e da zona de aparcamentos. Logo dun encontro coa Asociación de Entidades deportivas da zona, Caballero engadiu a necesidade de acometer unha remodelación do tráfico nesta área.
O alcalde de Vigo entrevistouse este xoves con representantes da ONCE en Vigo aos que garantiu o respaldo do Concello de Vigo na xornada que realizará a Organización na cidade polo seu 75 aniversario e os 25 anos da Fundación ONCE, unha cita para a "concienciación" da cidadanía.