A Xunta local de Goberno deu luz verde hoxe martes ao convenio coa Fundación Liste-Museo Etnográfico polo que reciben 146.000 euros do Concello. Segundo explicou o rexedor, este ano, como novidade, os responsables desta institución culutural tamén xestionarán o CAT (Centro de Artesanía Tradicional).
O alcalde de Vigo e vicepresidente da FEMP, Abel Caballero, participa hoxe martes en Madrid en sendas reunións cos voceiros dos grupos parlamentarios para presentarlles as enmendas dos concellos españois aos Orzamentos Xerais do Estado para 2013, básicamente orientadas a conseguir melloras sociais e de financiamento local.
A Xunta de Goberno local adxudicou hoxe martes as obras de urbanización entre San Sebastián e Abeleira Menéndez cun importe de 192.814,46 euros. Tal e como avanzou o rexedor, os traballos comezarán de xeito inmediato, posto que as obras de demolición se fixeron con vía de urxencia por motivos de seguridade.
O alcalde, Abel Caballero, e a concelleira de Cultura, Isaura Abelairas, presentaron este martes a programación en artes escénicas para novembro e decembro no Auditorio municipal de Vigo, eventos teatrais e musicais para todo tipo de públicos con prezos que non repercuten a suba do IVE cultural nas entradas nin nos abonos.
Abel Caballero e o presidente da Asociación de Persoas Xordas de Vigo, Miguel Ángel González, rubricaron este martes un convenio de colaboración polo que a Concellería de Participación Cidadá concede 6.000 euros de subvención ao colectivo para a contratación dun intérprete en lingua de signos.
A Concellería de Igualdade promove anualmente a convocatoria dun programa de formación e tempo libre en colaboración con asociacións promotoras de igualdade da cidade. Os cursos desenvólvense nestas entidades, que son as asociacións de mulleres e vogalías da muller das asociacións veciñais adheridas ao programa.