xoves, 16 setembro 2010

Caballero salienta "a toma das cidades por parte dos peóns" na presentación en Madrid da Semana Europea da Mobilidade

O alcalde de Vigo e presidente da Rede Española de Cidades polo Clima presentou hoxe xoves a Semana Europea da Mobilidade xunto coa ministra de Medio Ambiente, Elena Espinosa, e a titular de Sanidade, Trinidad Jiménez. Caballero resaltou a "revolución" que supón os novos espazos creados na cidade para os peóns e avogou pola potención do transporte colectivo, polas urbes policéntricas para facilitar o desprazamento a pé e pola mobilidade sostible, con proxectos como o coche eléctrico.

A presión fiscal de Vigo é a menor das grandes cidades de Galicia e unha das máis baixas de España

xoves, 16 set 2010

A concelleira de Economía e Facenda, a socialista Raquel Díaz, explicou hoxe xoves que a presión fiscal en Vigo ascende a 488 euros per cápita, por debaixo de cidades como A Coruña ou Santiago e a metade de urbes como Madrid. Díaz defendeu as políticas sociais en materia económica que aplica o goberno de Abel Caballero -e da benefícianse unhas 10.000 familias-, que diminúen a carga fiscal, rebaixa a débeda municipal e multiplica os investimentos.

O Consello Municipal da Muller solicitará o ingreso de María Xosé Queizán na Real Academia Galega

xoves, 16 set 2010

O Consello Municipal da Muller de Vigo na sesión celebrada esta semana acordou, segundo anunciou a concelleira da Igualdade, solicitar o ingreso de María Xosé Queizán Vilas na Real Academia Galega. Para a consecución deste acordo constituirase unha comisión no seo do consello que teña por finalidade reunir os numerosos méritos da escritora e apoiar a súa candidatura de ingreso na Real Academia Galega.