mércores, 15 setembro 2010

O alcalde avanza que "de forma inmediata" iniciarase a construcción da nova terminal do aeroporto de Vigo

Tras a publicación onte martes no Boletín Oficial do Estado do Plan Director de Peinador por parte do Ministerio de Fomento, o alcalde aseverou que a primeira pedra da nova terminal colocarase "de forma inmediata", que, xunto co novo aparcamento de 2.600 prazas, conforman as dúas pezas centrais da ampliación do aeródromo vigués. O alcalde indicou que está a mediar entre Fomento e a Comunidade de Montes de Cabral para acelerar os pagos pendentes polos terreos.

Caballero afirma que 800 prazas do novo aparcadoiro en construcción de Peinador estarán dispoñibles para Conxemar

mércores, 15 set 2010

O alcalde reuníuse este mércores cos responsables da "feira de conxelado máis importante do mundo", que terá lugar no IFEVI do 5 ao 7 de outubro, datas nas que Caballero confía que poida estar operativa a primeira fase do novo aparcamento do aeroporto, con capacidade para 800 prazas. Caballero asegurou que poderase acceder a pé desde Peinador ao recinto e definiu a Conxemar como "o Xacobeo de Vigo" pois completa a oferta hoteleira de toda a provincia.

O alcalde presenta o "climabús", unha campaña para informar e concienciar dos efectos do cambio climático

mércores, 15 set 2010

Abel Caballero presentou hoxe mércores o "climabús", un autobús itinerante ubicado na Porta do Sol ata mañá xoves -o venres estará na Cidade Universitaria- e equipado cunha mostra didactica co obxectivo de sensibilizar e concienciar á cidadanía sobre o cambio climático. A iniciativa foi posta en marcha pola Fundación Oxígeno en colaboración co Ministerio de Medioambiente.

Xabier Alonso di que o Medio Maratón Cidade de Vigo ofrece un percorrido "para facer marca"

mércores, 15 set 2010

A segunda edición do Medio Maratón Cidade de Vigo xa está en marcha. O concelleiro de Deportes, Xabier Alonso, presentou hoxe o evento xunto co organizador, Omar Lorenzo, e os patrocinadores privados, Ibercaja e Coca-Cola. A carreira atlética, tamén pertencente ao Circuíto Cidade de Vigo de carreiras populares, está programada para o vindeiro día 26, con peche de inscrición o día 22. O prezo para participar será este ano de 10 euros e a organización, Prime Time, aspira a ter en liña de saída a uns 450 deportistas.

Caballero clausurará o día 17 unhas xornadas sobre emprego e medioambiente do proxecto Vigo Medio Natural

mércores, 15 set 2010

O vindeiro venres o alcalde de Vigo pechará o acto que se celebrará no Auditorio de Caixanova desde as 09:30 da mañá. A xornada sobre emprego e medioambiente, promovida pola Concellería de Promoción Económica, Emprego e Participación Cidadá, organízase para difundir os resultados do proxecto Vigo Medio natural, impulsado polo Ministerio de Medioambiente e a Fundación Biodiversidad