venres, 30 abr 2010
Abel Caballero explicou este venres aos colectivos acampados na Praza do Rei -solicitando a apertura dun albergue- que a opción do Concello é que a Xunta de Galicia abra de inmediato a Gota de Leite de maneira provisional para estudar posteriormente en conxunto a habilitación do definitivo. O alcalde asegurou que, de non aceptar o goberno autonómico, Urbanismo xa busca terreos para construilo.
venres, 30 abr 2010
O tenente de alcalde, Santi Domínguez, fixo un chamamento aos vigueses e viguesas para que mañá se animen a visitar o Ifevi e presenciar o Racingshow 2010, ao seu xuízo "un espectáculo grandioso". Na presentación do circuíto, o nacionalista tamén salientou que contar coa participación de tres campións internacionais como Timo Salonen, Miki Biasion e Armindo Araujo é "unha oportunidade única".
venres, 30 abr 2010
O tenente de alcalde e concelleiro de Comercio, Santi Domínguez, animou ás viguesas e vigueses a amosar o seu apoio ao pqueno e mediano comercio da cidade facendo nel as súas compras con motivo do Día da Nai. O nacionalista expresou a súa satisfacción por participar novamente na inauguración dos actos que organiza a Asociación de Comerciantes de As Travesas (Aetravi) para conmemorar este día.
venres, 30 abr 2010
O Concello de Vigo ven de adherirse ao programa "Urbanismo en red" polo que os veciños poderán aceder á información urbanística, de xeito inmediato e personalizado, na web do Concello. A iniciativa, fruto dun convenio marco entre os Ministerios de Industria, Turismo e Comercio, dará resposta a unha demanda social de transparencia. Os traballos xa comenzaron no mes de abril.
venres, 30 abr 2010
O rexidor local reuniuse esta mañá con Luis Quintero Fiuza para poñelo en coñecemento dos acordos pechados co seu precedesor no cargo. Caballero destacou o carácter afable do Bispo e confiou en manter "unha relación formal e proveitosa"
venres, 30 abr 2010
O alcalde de Vigo, Abel Caballero, reuníuse con membros da Asociación Viguesa de Esclerose Múltiple (AVEMPO), con quen abordou as necesidades e a situación actual da entidade. Caballero mostrou a disposición do Concello á cooperar con esta asociación adicada a prestar información e asesoramento, tanto as persoas afectadas pola enfermidade coma aos seus familiares. Dáse ademáis a circunstancia de que Galicia é unha das comunidades autónomas con maior prevalencia desta doenza.
