luns, 26 abril 2010

O Concello insta á Xunta de Galicia a adaptar o Plan do Litoral ao PXOM vigués ou a súa retirada

O concelleiro de Urbanismo, José Mariño, explicou que considera "excesivo e abusivo" a afección do Plan autonómico á cidade, e defendeu a súa adaptación ao Plan Xeral, xa acorde ás leis de preservación do litoral. O tenente de alcalde, Santiago Domínguez, avogou pola retirada dun texto que "destrúe e bloquea o noso crecemento" e o grupo municipal do PP defendeu este "instrumento comprometido coa sostibilidade e a paisaxe".

1272287607pol.JPG
1272287686raquel.JPG

Raquel Díaz subliña que o orzamento de 2009 posibilitou un "maior gasto por habitante e menor endebedamento"

luns, 26 abr 2010

Na presentación ao Pleno da liquidación do exercizo económico municipal do pasado ano, a concelleira de Economía e Facenda salientou que as contas do Concello permitiron realizar investimentos por valor de 104 millóns de euros, xerar emprego e humanizar cen rúas, mostra da "capacidade de xestión deste goberno". A oposición denunciou "déficit" nas cifras, que Díaz achacou á falta de parte do pago do Goberno de España polas obras do Plan E.

1272287863goberno.JPG

O Pleno acorda por unanimidade denominar a parte da rúa Fontáns como "Antía Cal (pedagoga)"

luns, 26 abr 2010

Os tres grupos da Corporación votaron a prol de distinguir a pedagoga e fundadora do centro educativo Rosalía de Castro Antía Cal para nomear a parte da rúa Fontáns. O Pleno acordou asemade outras denominacións de rúas: Espadanal, en Candeán; Pedregal, en Valladares; A Latiña, en Beade; Camiño da Carpinteira, en Matamá; e Alameda do Párroco Xesús Alonso Valverde, en Sárdoma.