O programa "Meu. Coñecéndonos, descubríndonos" tenta poñer en valor o patrimonio cultural a través da toponimia
A concelleira de Normalización Lingüística e Xuventude, Iolanda Veloso, e o edil de Patrimonio Histórico, Eudosio Álvarez, presentaron este venres o programa "Meu. Coñecéndonos, descubríndonos", que ten o obxectivo de poñer en valor o patrimonio cultural de Vigo e a súa área a través da toponimia. Os nacionalistas salientaron que esta iniciativa, destinada á poboación en xeral, a mocidade e os nenos e nenas, se enmarca nun proxecto máis amplo que desenvolven as áreas coordinadas pola Tenencia de Alcaldía.
Iolanda Veloso, na súa intervención, salientou que se trata dun "programa ambicioso" que ten a finalidade de coñecer Vigo e a súa contorna a través do seu patrimonio, toponimia e do seu medio, así como ampliar o coñecemento da lingua. Explicou que se desenvolverán charlas, mesas redondas e visitas aos montes veciñais e lugares de interese do patrimonio para coñecer o patrimonio que agocha cada lugar.
A concelleira de Normalización Lingüística tamén sinalou que está previsto celebrar cursos sobre o patrimonio industrial e publicacións sobre a toponimia das parroquias, que darán continuidade ao volume presentado hai uns meses sobre Coia.
Destinado á mocidade, a Concellería de Xuventude está preparando un campamento de verán no que se desenvolverán actividades lúdicas, obradoiros e visitas a lugares de interese. Iolanda Veloso indicou que dende esta concellería tamén se realizarán roteiros polo Vigo arqueolóxico, guiados e gratuítos, e un xogo didáctico na rede.
Finalmente, indicou para a poboación infantil as actividades propostas teñen como fío condutor o libro "Os Bolechas queren saber... sobre toponimia e a historia de Vigo", un quebracabezas sobre a historia de Vigo e diversas unidades didácticas destinadas especificamente para a poboación escolar.
Eudosio Álvarez, pola súa banda, salientou a importancia deste programa como "complemento idóneo" dos proxectos que se están a desenvolver dende a Tenencia de Alcaldía e as concellerías de Normalización Lingüística, Cultura, Xuventude e Patrimonio Histórico, así como o museo Verbum. Asemade, o concelleiro de Patrimonio Histórico asegurou que é "un luxo" contar cun equipo como o de Normalización Lingüística, dirixido por Iolanda Veloso, "que é capaz de sacar adiante un proxecto tan ambicioso como este".
Descargar todas as imaxes
A concelleira de Normalización Lingüística tamén sinalou que está previsto celebrar cursos sobre o patrimonio industrial e publicacións sobre a toponimia das parroquias, que darán continuidade ao volume presentado hai uns meses sobre Coia.
Destinado á mocidade, a Concellería de Xuventude está preparando un campamento de verán no que se desenvolverán actividades lúdicas, obradoiros e visitas a lugares de interese. Iolanda Veloso indicou que dende esta concellería tamén se realizarán roteiros polo Vigo arqueolóxico, guiados e gratuítos, e un xogo didáctico na rede.
Finalmente, indicou para a poboación infantil as actividades propostas teñen como fío condutor o libro "Os Bolechas queren saber... sobre toponimia e a historia de Vigo", un quebracabezas sobre a historia de Vigo e diversas unidades didácticas destinadas especificamente para a poboación escolar.
Eudosio Álvarez, pola súa banda, salientou a importancia deste programa como "complemento idóneo" dos proxectos que se están a desenvolver dende a Tenencia de Alcaldía e as concellerías de Normalización Lingüística, Cultura, Xuventude e Patrimonio Histórico, así como o museo Verbum. Asemade, o concelleiro de Patrimonio Histórico asegurou que é "un luxo" contar cun equipo como o de Normalización Lingüística, dirixido por Iolanda Veloso, "que é capaz de sacar adiante un proxecto tan ambicioso como este".