O alcalde acudiu hoxe a sede do Ministerio de Industria en Madrid para reunirse co Secretario de Estado de Enerxía para poñer os cimentos da implantación do proxecto no que Vigo será a cidade piloto do coche eléctrico. Abel Caballero é o primeiro alcalde que recibe o Secretario de Estado para abordar este tema.
Carlos López Font amosou hoxe martes a súa "satisfacción" polo xeito en que levouse a efecto a negociación cos sindicatos do Concello na elaboración do orzamento municipal para 2010, de 257 millóns de euros. O edil subliñou o cumprimento dos compromisos adquiridos polo alcalde cos propios sindicatos, aos que agradeceu a súa "comprensión", pese ao seu "alto custe económico".
O tenente de alcalde e presidente executivo do Ifevi, Santi Domínguez, asinou este martes unha nova edición do convenio con Protección Civil, representada pola súa secretaria e responsable dos servizos de terra, Mercedes Ballesteros, e o xerente do recinto feiral Arsenio Prieto . Segundo Santi Domínguez, mediante esta sinatura Protección Civil comprométese a cubrir todos os risgos que se poidan producir nas montaxes que teñan lugar non Instituto Feiral de Vigo, así como as incidencias persoais que se poidan producir nos distintos eventos.
Abel Caballero visitou este martes os traballos de humanización das rúas Regueiro e Tarragona, no entorno de POVISA, que suman un investimento municipal de 1,3 millóns de euros e darán cabida a medio centenar de árbores, novos puntos de luz, bancos e a renovación das redes de servizo soterradas. A reforma das dúas rúas -que estará rematada en tres ou catro meses- completa a humanización de "todo o que queda entre Regueiro e a Praza de España", indicou o alcalde.
O primeiro andar da Casa das Artes acollerá dende o mércores unha exposición do artista lucense Antón Patiño, organizada pola Concellería de Cultura. A mostra, que está integrada por 133 obras da primeira etapa de Patiño que combina diversos formatos, poderá visitarse ata o vindeiro 23 de maio.