mércores, 9 setembro 2009

O tenente de alcalde anuncia o investimento de 1.200.000 euros de apoio ao consumo no comercio e axuda as familias

mércores, 9 set 2009

"En tempo de crise o goberno ten que priorizar o gasto e desenvolver políticas para facerlle fronte", explicou o tenente de alcalde. Neste sentido lembrou que na xuntanza anterior que mantivo cos representantes do sector e dos mercados municipais lle trasladaran a súa preocupación polos problemas económicos e as dificultades para manter o emprego e "quedei comprometido a presentar liñas de actuación encamiñadas a dinamizar o consumo". Asemade, Santi Domínguez salientou que o programa presentado hoxe ten tamén outra vertente, que é a axuda as familias con maiores dificultades, xa que se fomenta o consumo "a través de axudas as familias con menos recursos".

Iolanda Veloso anuncia que Igualdade ofrece 3.000 prazas de formación e tempo libre dirixidas a mulleres

mércores, 9 set 2009

A concelleira de Igualdade, Iolanda Veloso, anunciou hoxe que o departamento que dirixe ofrece un total de 3.000 prazas que forman parte do Programa de Formación e Tempo Libre dirixido a mulleres. Segundo afirmou a edil, con este programa, que se desenvolve en colaboración con máis de 50 asociacións ata xuño de 2010, quérese "cubrir as demandas de todas as mulleres e pensando en todas as idades das demandantes".

Eudosio Alvarez avanza que as actividades do Centro de Artesanía Tradicional se coordinarán co Museo da Cidade

mércores, 9 set 2009

O concelleiro de Patrimonio Histórico, Eudosio Álvarez, salientou este mércores a importancia de potenciar as actividades do Centro de Artesanía Tradicional "dun xeito coordinado co Museo da Cidade" e así se contemplará nos vindeiros orzamentos. Na presentación dos cursos programados polo CAT para o segundo semestre de 2009, o edil asegurou que dende Patrimonio Histórico se quere "impulsar as actividades artesáns da cidade tendo en conta, non só a cestería, senón toda a artesanía tradicional".

O Verbum acolle a exposición "Ramón Piñeiro, olladas no futuro"

mércores, 9 set 2009

O museo Verbum - Casa das Palabras inaugura a exposición temporal "Ramón Piñeiro, olladas no futuro" o xoves 10 de setembro ás 20 horas nas dependencias do museo.A exposición recrea a personalidade dunha das figuras máis representativas e influentes de Galicia da segunda metade do S.XX que puxo a súa vida ao servizo da reconstrución da identidade de Galicia e da dignificación da súa cultura.