Abel Caballero mostrou este xoves no IES Manuel Antonio o seu "compromiso coa ensinanza pública" na apertura do curso de Formación Profesional, onde animou aos rapaces e rapazas a conciliar o tempo de estudo co divertimento e a familia. O alcalde destacou que o Manuel Antonio é un exemplo dos centros públicos "de moi boa calidade" que acolle a cidade.
O tenente de alcalde, Santi Domínguez, trasladou hoxe o seu respaldo aos representantes da Federación de Asociacións de Veciños de Vigo "Eduardo Chao" a respecto da iniciativa popular que presentaron para que o Parlamento galego acepte debatir a Lei de Área Metropolitana de Vigo. Dominguez coincide coa Federación Veciñal en que non se pode retrasar máis un debate que é fundamental para o desenvolvemento futuro de Vigo e a súa área de influencia.
O MARCO, Museo de Arte Contemporánea de Vigo, deu a coñecer a programación que terá lugar nos próximos meses: exposicións temporais, concertos e festivais, programación audiovisual, programación didáctica, cursos e talleres, actividades da Biblioteca-Centro de Documentación e da Agrupación de Amigos do MARCO, entre outras actividades.
O festival Sinsal inicia o venres a súa edición de outono coa actuación dos norteamericano Vic Chesnutt e Elf Power no Centro Cultural Caixanova. O concerto comezará ás 21.00 horas con entrada de 10 euros; desconto do 50% para estudantes e membros da comunidade universitaria de Vigo.
O programa de lecer xuvenil alternativo "Súbete ó Castro", da Concellaría de Xuventude, ven de abrir o período de inscrición para os cursos gratuítos que oferta, e que arrancarán o vindeiro mes de outubro.<br />