O Consello da Xerencia Municipal de Urbanismo propúxolle hoxe xoves á Xunta de Goberno Local a aprobación definitiva do proxecto de expropiación por taxación conxunta das fincas non incorporadas á Xunta de Compensación do polígono 1 do Plan Parcial 03.23 Baruxáns (Bembrive).
A concelleira de Participación Cidadá, Marta Iglesias, visitou hoxe xoves o Centro Crisol, na rúa Camelias, para asistir á presentación do material de formación dos clubes de cooperación de Implicados/as no Desenvolvemento (IND), asociación galega dedicada á cooperación internacional.
O Salón do Mar e a Náutica de 2006 abrirá as súas portas o próximo 2 de marzo. Durante catro días, Vigo Náutica Internacional exporá os productos e marcas relacionadas coa náutica recreativa, confirmando a presencia dos principais fabricantes e marcas do mundo.
Durante un periodo de 12 a 15 días, a parroquia de Zamáns centrará os traballos de asfaltado de camiños e rúas que se desenvolverán dentro dun convenio entre o Concello e a Deputación de Pontevedra. O Concello pide desculpas polas posibles molestias que estas obras poidan causar.