A Corporación Municipal, coa alcaldesa, Corina Porro, á cabeza, recibiu hoxe luns no Concello o presidente da Xunta de Galicia, Emilio Pérez Touriño, no que foi a primeira visita oficial deste á Casa Consistorial viguesa.
Ata o 26 de febreiro a Casa das Artes ofrece a exposición colectiva "9 x 9", conformada por 81 obras de nove artistas que xa mostraron os seus traballos na Casa Galega da Cultura nos anos 2004 e 2005.
O Concello asinará un convenio de colaboración coa Asociación Noescafé-Teatro para a organización do Festival Alternativo de Teatro e Danza "ATL’06" que se celebrará nas dúas primeiras semanas do mes de marzo, segundo aprobou na sesión ordinaria celebrada o luns a Xunta de Goberno Local.