O Padroado da Fundación Provigo reuniuse hoxe mércores para facer un repaso da traxectoria da institución nos dous últimos anos. Durante o encontro, que tivo lugar na Cámara de Comercio, a alcaldesa, Corina Porro, manifestou a súa vontade de potenciar a Fundación para que xogue un papel determinante no desenvolvemento da cidade e da súa área de influencia. Ademais, o Padroado elixiu a Rubén López como novo xerente.
O Goberno local pediu un informe ao departamento de Patrimonio do Concello para analizar a relación xurídica que vincula ao Concello coa asociación que xestiona o inmoble denominado "Mercado de A Pedra" e que analice as posibles responsabilidades que poideran derivarse en vía administrativa polas actuacións practicadas polas forzas do orden público o martes neste mercado, onde localizaron ropa falsificada.
A alcaldesa entrevistouse hoxe mércores cos secretarios comarcais da CIG, CCOO e UXT, Xerardo Abraldes, Xosé Cameselle e Héctor Santos, quen lle transmitiron a súa preocupación pola aplicación do convenio colectivo do Concello.
O Campionato Nacional de Baloncesto Special Olympics desputarase o próximo mes de novembro en Vigo, segundo anunciou Corina Porro, alcadesa de Vigo, despois de reunirse co xerente nacional de Special Olympics España, Enric Blesa, e o presidente deste movemento en Galicia, Eladio Fernández.
A terceira edición da Regata El Corte Inglés-Turismo de Vigo de Catamaráns a Vela celebrarase en augas da Ría de Vigo os días 11 e 12 de febreiro , organizada polo Club de Vela da Praia do Vao coa colaboración da Federación Galega de Vela, Caixanova e Coca-Cola.<br />
O grupo municipal de teatro Trasnada presentará o próximo venres a curtametraxe "El Hallazgo" ás 21 horas na discoteca Émbassi.<br />