O Concello asinou un decreto polo que se regulan os servizos mínimos que deberá prestar a empresa concesionaria da ORA, FCC-EYSA UTE-Vigo, durante a folga convocada a partir do día 16 de marzo.
Concello e Universidade de Vigo asinaron un convenio para dinamizar o Museo Verbum-Casa das Palabras. A Universidade tratará de dirixir as liñas de actuación cara ao fomento dos tres grupos de visitantes principais: escolares, adultos e familias, e o Concello aportará preto de 40.000 euros.
A Concellería da Muller destinará 9.000 euros á Asociación Federación de Mulleres Veciñais para contribuír a mellorar a atención e normalizar a vida das mulleres maltratadas. Esta iniciativa enmárcase no II Plan para combater a violencia contra as mulleres.
Dentro das obras que se están a executar na Estación Depuradora de Augas Residuais do Lagares, se está a elaborar un estudio intensivo de todos os elementos. Dentro dese estudio detectouse algún fallo no dixestor que estaba en funcionamento, e que é o responsable dos cheiros que se xeraron estes días.
Aulatalía, equipo formado por alumnos do instituto Álvaro Cunqueiro quedou gañador da primeira Liga de Improvisación de Xóvenes Afeccionados ao impoñerse na final do pasado sábado ao equipo Traquers, formado por mozos do CRAC de Coruxo.