O Concello colabora a través dun convenio para mellorar a atención ás mulleres maltratadas
A Concellería da Muller destinará 9.000 euros á Asociación Federación de Mulleres Veciñais para contribuír a mellorar a atención e normalizar a vida das mulleres maltratadas. Esta iniciativa enmárcase no II Plan para combater a violencia contra as mulleres.
A concelleira da Muller, Lucía Molares, asinou hoxe martes un convenio de colaboración polo cal o Concello se compromete a entregar 9.000 euros á Asociación Federación de Mulleres Veciñais. O obxectivo desta axuda é contribuír a mellorar a atención que esta asociación presta a mulleres maltratadas para que poidan normalizar a súa vida.
Este convenio, que se enmarca no II Plan para combater a violencia contra as mulleres, supón a renovación do asinado o ano pasado polas mesmas partes e que tivo unha dotación de 6.000 euros. Con el, a Concellería da Muller pretende axudar á Asociación Federación de Mulleres Veciñais nos seus labores de asistencia, acompañamento, asesoramento e seguimento das mulleres maltratadas.
Lucía Molares asegurou trala sinatura do acordo que "a forma de seguir avanzando é actuar conxuntamente co movemento asociativo da cidade", xa que "é moito máis fácil achegarse e axudar ás mulleres maltratadas desde un contorno próximo". A concelleira agradeceu o traballo de "todas as mulleres anónimas, que son moitas, que atenden a aquelas que solicitan a súa axuda".
Pola súa banda, a coordinadora da Federación, Rosa Fontaíña, indicou que "a base do noso traballo é a formación" e informou do incremento das asistencias prestadas pola súa asociación, que pasaron de 300 en 2003 a 818 en 2004. Ademais, Rosa Fontaíña lembrou que a Federación de Mulleres Veciñais non só actúa no campo dos malos tratos, senón tamén no da reivindicación dos dereitos das mulleres.
Descargar todas as imaxes
Este convenio, que se enmarca no II Plan para combater a violencia contra as mulleres, supón a renovación do asinado o ano pasado polas mesmas partes e que tivo unha dotación de 6.000 euros. Con el, a Concellería da Muller pretende axudar á Asociación Federación de Mulleres Veciñais nos seus labores de asistencia, acompañamento, asesoramento e seguimento das mulleres maltratadas.
Lucía Molares asegurou trala sinatura do acordo que "a forma de seguir avanzando é actuar conxuntamente co movemento asociativo da cidade", xa que "é moito máis fácil achegarse e axudar ás mulleres maltratadas desde un contorno próximo". A concelleira agradeceu o traballo de "todas as mulleres anónimas, que son moitas, que atenden a aquelas que solicitan a súa axuda".
Pola súa banda, a coordinadora da Federación, Rosa Fontaíña, indicou que "a base do noso traballo é a formación" e informou do incremento das asistencias prestadas pola súa asociación, que pasaron de 300 en 2003 a 818 en 2004. Ademais, Rosa Fontaíña lembrou que a Federación de Mulleres Veciñais non só actúa no campo dos malos tratos, senón tamén no da reivindicación dos dereitos das mulleres.