Henrique Viéites Alonso e Silvia Bermúdez Pérez prometeron cumprir os seus cargos como concelleiros do BNG no Concello, nunha sesión do Pleno do Concello na que tamén se nomearon os membros da Comisión Especial de Suxerencias e Reclamacións en representación dos diferentes grupos municipais.
Esta Comisión integrada por técnicos do Concello, do Porto de Vigo, o secretario de Pesca e o director de operacións de Portos de Galicia, ten a misión de definir un proxecto para a ampliación de Bouzas. Segundo a alcaldesa empezará a dar froitos nun prazo de dous meses.
A alcaldesa asinou o nomeamento da nova concelleira non electa que asumirá os departamentos de Participación Cidadá, Réxime Interior e Benestar Social.
O concelleiro de Cultura e Festas, Ignacio López-Chaves, presentou a 41ª edición do Concurso-Exposición da Camelia, que se celebrará o 26 e o 27 de febreiro nas instalacións do Consorcio da Zona Franca. Neste certame, ao cal destina o Concello 40.000 euros, premiaranse os exemplares máis destacados desta flor nas súas distintas variedades.
Vigo será este verán a cidade con mais proxección no mundo dos deportes acuáticos. Á saída da copa do mundo de vela únese agora unha das probas puntuables para o campionato do mundo de motonáutica, unha serie de carreiras de grande vistosidade que terán lugar os días 13, 14 e 15 de agosto.