O alcalde imparte unha conferencia sobre o modelo Vigo na localidade portuguesa de Penafiel
Abel Caballero imparte hoxe unha charla sobre o papel dos municipios no desenvolvemento rexional, con Vigo como exemplo. As xornadas enmárcanse na xuntanza do Partido Socialista na vila portuguesa de Penafiel, na que estarán presentes o presidente, Carlos César, e o secretario xeral, José Luis Carneiro. “Queren coñecer a experiencia e o proceso de cambio na cidade de Vigo, relacionado co impulso da nosa cidade no conxunto da nación. Vigo é o mellor exemplo en toda Europa da contribución dunha cidade levando o seu proceso adiante. É unha honra a invitación”, manifestou.