O túnel de Lepanto abrirá o 16 de setembro e a rúa recupera un carril de circulación
O rexedor avanzou esta mañá a apertura do túnel de Lepanto para o martes, 16 de setembro. Ese mesmo día quedará restablecido un carril de circulación na rúa.
O martes 16 de setembro abrirá ao tráfico o túnel e un dos carrís da rúa Lepanto. As obras de humanización obrigaron a pechar a circulación durante un tempo pero a partir da semana que vén será posible acceder á autoestrada a través do subterráneo, así como acceder a Alfonso XIII desde Vialia.
O importe das obras é superior ao millón de euros e a superficie de actuación, de 2.570 m2. A actuacións inclúe a renovación íntegra da pavimentación actual, tanto das beirarrúas como da vía, e dos principais servizos urbanos. Haberá iluminación con 19 novos puntos de luz, novas redes de saneamento e abastecemento, tres novos semáforos, plantaranse 22 árbores en ambas as beirarrúas e 120 especies arbustivas e instalarase nova rede de rega. Amais, renóvase todo o mobiliario urbano con 3 bancos, 6 papeleiras e 8 contedores.