O alcalde interésase polas novidades do sector acuícola na apertura do salón "Aquafuture Spain"
Abel Caballero asistiu este martes á xornada inaugural do Salón Internacional da Industria Acuícola, "Aquafuture Spain 2025" que, ata o 22 de maio, reúne no Instituto Feiral de Vigo a máis de 210 expositores de 26 países. O alcalde interesouse polas novidades do sector nos contactos con representantes das empresas que lle trasladaron información dos produtos que presentan no maior encontro tecnolóxico, formativo, divulgativo e comercial da acuicultura no sur de Europa.
