O alcalde celebra a redución de tempos e o aumento de prazas nos AVE Vigo - Madrid
Xa están á venda os billetes de tren para viaxar no corredor Vigo – Madrid a partir do 9 de xuño. Caballero felicita ao Ministerio e Renfe “pola recepción ao diálogo” e establecer 4 frecuencias diarias en cada sentido, con 3 AVE por debaixo das 4 horas de duración e ao redor de 250 prazas máis cada día.
Vigo terá 4 frecuencias diarias para viaxar a Madrid, 3 delas con menos de 4 horas de duración, e ao redor de 250 prazas máis ao día.
Caballero celebrou que o Ministerio de Transportes e Renfe “sexan receptivos ao diálogo” e que a nova programación da compañía a partir do 9 de xuño mellore as conexións entre Vigo e Madrid.
“Imos na boa dirección, asumindo a importancia deste traxecto en alta velocidade e a necesidade de máis prazas e aforro nos tempos de viaxe. Saúdo o cambio, aínda que todo é susceptible de ser mellorado e será mellorado, pero isto é un cambio importantísimo en favor de Vigo”, concluíu.